( قصيدة ) : عايزني أرجع تاني ( من ديوان ... عندما يئن القلب فتتلاقي الدموع ) الشاعر الجريح علاء محروس مرسي

( قصيدة ) :
عايزني أرجع تاني
( من ديوان ... عندما يئن القلب فتتلاقي الدموع )
الشاعر الجريح
علاء محروس مرسي
*******
عايزني أرجع تاني ....
من جديد يدفا فيا
روح أبعد وسبني ف حالي ....
ومالكش دعوا بيا
طعنة غدر مكانتش ع بالي ....
ولا أفتكر يوم تغدر بيا
في ليله كده تبعدني عنك ....
وتقولي مش باقي عليا
ما قلتلك من الأول سبني ....
علشان في يوم متجرحش فيا
ولا يجي يوم تحاسبني ....
وتشمت الدنيا بالاسيا
عايزني أرجع تاني ....
من جديد يدفا فيا
روح أبعد وسبني ف حالي ....
ومالكش دعوا بيا
مقلتش إنك ح تنساني ....
وكنت بتحضن فيا
وتقول أنت نور عيني ....
في الدنيا ديا
انا اشترتك خنتني ....
جرحت قلبي بعتني ده كتير عليا
كده أرتحت لما بعتني ....
هانت عليك فراق عنيا
ألومك ليه م خلاص نهايتي ....
أعيش مجروح بغدرك ليا
أعزف بالناي حكايتي ....
وأشرب الأسيا
عايزني أرجع تاني ....
من جديد يدفا فيا
روح أبعد وسبني ف حالي ....
ومالكش دعوا بيا

.... "" .... "" .... ""
.... "" .... """
.... "" ....
...."" ....
....
""
كلمات :
الشاعر الجريح
علاء محروس مرسي
شاعر غنائي وكاتب مسرحي
( من ديوان ... عندما يئن القلب فتتلاقي الدموع )